ڕۆژا سێشەمبی، ڕێکەفتی (٢٣/ ٦/ ٢٠٢٦)، ب چاڤدێری و ئامادەبوونا د. ئارام محمد قادر وەزیرێ خواندنا بلند و ڤەکۆلینێن زانستی، مەراسیمەکێ تایبەت ب هەلسەنگاندن و پێشڤەبرنا گۆڤارێن زانستی یێن زانکۆیێن هەرێما کوردستانێ بڕێڤەچوو.
وەک شاندێ زانکۆیا زاخۆ، ڕێزداران (پ.هـ.د. جاسم محمد عبدو)هاریکارێ سەرۆکێ زانکۆیێ بۆ کاروبارێن زانستی و (پ.هـ.د. باسم سلیم احمد) ب فەرمی پشکداری د چاڵاکی و پانێلێن ئەڤی ڕێوڕەسمی دا کرن.

گرنگترین خاڵێن ڕێوڕەسمی:
• تۆمارکرنا ناڤدەولەتی: وەزیرێ خواندنا بلند ئەو دەنگۆباس ڕاگەهاند کو شەش گۆڤارێن زانستی یێن زانکۆیێن کوردستانێ د ناڤ گۆڤارێن جیهانی دا هاتینە تۆمارکرن، کو دەستکەفتەکێ گرنگ و جهێ شانازیێ یە بۆ هەمی لایەکێ.
• هەلسەنگاندنا گۆڤاران: د. ژاڵە سەعید خەتات ڕێڤەبەرا گشتی یا فەرمانگەها ڤەکۆلین و پێشڤەبرنێ ئاماژە ب وێ چەندێ دا کو هەلسەنگاندنا پێدڤی بۆ (٤٦) گۆڤارێن زانکۆیان هاتییە کرن، کو (٢٣) ژ وان زانستی نە و (٢٣) ژی مرۆڤایەتی نە.
• پێشڤەبرنا بەردەوام: د مەراسیمێ دا پشتەڤانیا زانکۆیان هاتە نیشاندان کو بەردەوام بن د بزاڤێن خۆ دا، بۆ ب دەستڤەئینانا باوەرییا پتر یا ناڤدەولەتی ل سەر جیهانا پێشکەفتی.
پشکداریکرنا زانکۆیا زاخۆ د ئەڤان جۆرە پانێل و گەنگەشەیێن زانستی دا، د چارچۆڤەیێ بزاڤێن بەردەوام یێن زانکۆیێ دایە بۆ بلندکرنا ئاستێ زانستی یێ ڤەکۆلینان و پێشڤەبرنا گۆڤارێن خۆ یێن ئەکادیمی ب مەرەما چارەسەرکرنا کێشە و گرفتێن جڤاکی.